MAIALEN CHOURRAUT: beldurretan arraunean
Kirolari sendoa dirudi, ur kanalari ekin aurreko segunduetan erabat konzentratuta dagoen emakumearen irudia daukagu.
Tematia. Borrokalaria. Garailea. Inor gutxik esango luke Maialen Chourrauten bizitzan, Rioko Olinpiar Jokoetan kirolari orok amesten duen urrezko domina eskuratu zuen emakumearen atzean, etengabeko beldurren gainditze prozesu eta borroka dagoenik. “Ez dira edonork sentitzen dituen beldurren oso ezberdinak” dio inork ez bezala ezagutzen duen Xabier Etxanizek. Jarrera kontrajarriak dira, beraz, beldurrak eta tarteka erakusten dituen segurtasun eta bere buruarekiko konfiantza. Irabazteko beharrezkoa den grina hori.
Beldurrak jantziriko bide horretan nola liteke helburu hain zehatzak ezarri eta hauek bete izana? Zein da olinpiar urrea lortu duen kirolariaren motibazio berria?